नेपालगन्ज । आज दिनभरीमा बाँकेमा उपचाररत ६ जना कोरोना संक्रमितको मृत्यु भएको छ । भेरी अस्पताल नेपालगन्ज र नेपालगन्ज मेडिकल कलेजमा उपचाररत संक्रमितहरुको बिहान ७ बजे देखि ४ बजेकाबीचमा मृत्यु भएको हो ।
मृत्यु हुनेहरुमा बैशाख ३० गते भेरी अस्पताल भर्ना भएका बर्दिया मधुवनका ४० वर्षिय पुरुष, बैशाख १८ गते मेडिकल कलेज कोहलपुर भर्ना भएका ४४ वर्षिय पुरुष, सैनिक अस्पताल नेपालगन्जमा बैशाख १६ गते भर्ना भएकी मोतिपुर सुर्खेतकी ५३ वर्षिया महिला रहेका छन् । त्यसैगरि बैशाख २१ गते मेडिकल कलेज कोहलपुर भर्ना भएकी ४१ वर्षिया महिला, २१ गते मेडिकल कलेज भर्ना भएका कुमाख, सल्यानका ३६ वर्षिय पुरुष र आज बिहान भेरी अस्पताल लगिएका कोहलपुर ८ का २६ वर्षिया महिलाको पनि कोरोना संक्रमणबाट मृत्यु भएको छ ।
आज दिनभरीमा थपिएको मृतकको संख्यासँगै बाँकेमा जिल्ला भित्रका मृत्यु हुनेको संख्या २३२ पुगेको छ भने जिल्ला बाहिरका मृत्यु हुनेको संख्या १७८ पुगेको छ ।
प्रतिक्रिया