बाँकेमा थपियो २ जना नयाँ कोरोना संक्रमित, १ जनाको मृत्यु

खबर कुरा
३० जेष्ठ २०७८, आईतवार
                 

नेपालगन्ज । बाँकेमा कोरोना संक्रमित थपिनेको संख्यामा २ जनामा झरेको छ । पछिल्लो २४ घण्टामा जिल्लाका ३ वटा प्रयोगशालमा गरिएको १२४ नमुना परीक्षणमा बाँकेका २ जनामा मात्र संक्रमण पुष्टि भएको छ । जिल्ला बाहिरका १७ जनामा पनि संक्रमण देखिएको छ ।

कोभिड व्यवस्थापन समिति बाँकेका अनुसार सोही अवधिमा जिल्ला भित्रका १ जना र जिल्ला बाहिरका ५ जनाको मृत्यु भएको छ भने आज ६९ जना कोरोना मुक्त भएर डिस्चार्ज लिएका छन् ।

बाँकेमा अव जिल्ला भित्रका सक्रिय संक्रमितको संख्या १७५ र जिल्ला बाहिरबाट बाँकेमा उपचाररत सक्रिय संक्रमितको संख्या १२० रहेको छ । बाँकेका अस्पतालहरुमा ४२ जना सिकिस्त संक्रमित छन् भने ७ जना भेन्टिलेटरमा र ४८ जना मध्यम अवस्थाका संक्रमितको उपचार भईरहेके छ ।

यसमा तपाइको मत

Your email address will not be published. Required fields are marked *


*