बाँकेमा ११ जना संक्रमित थपिए, ११ जना कोरोना मुक्त भए

नेपालगन्ज । पछिल्लो २४ घण्टामा बाँकेका ११ जना कोरोना संक्रमित थपिएका छन् । जिल्लाका ३ वटा प्रयोगशालामा भएको १४८ नमुना परीक्षण गर्दा बाँकेका ११ जना सहित ४२ जनामा कोरोना संक्रमण पुष्टि भएको छ ।

डीसीएमसी बाँकेका अनुसार बाँकेमा २४ घण्टाकाबीचमा जिल्ला भित्रका १ जना र जिल्ला बाहिरका २ जना संक्रमितको मृत्यु भएको छ भने आज बाँकेमा ११ जना कारोना मुक्त भएर डिस्चार्ज भएका छन् ।

बाँकेमा आजसम्ममा १६८ सक्रिय संक्रमित जिल्ला भित्रका र ६९ जिल्ला बाहिरका सक्रिय संक्रमितहरुको बाँकेमा उपचार भईरहेको छ । १५० जना सामान्य अवस्थामा रहेका संक्रमितहरुको होम आइशोलेसनमा उपचार भईरहेको छ भने अस्पतालहरुमा ५ जना भेन्टिलेटरमा छन् भने बाँकेमा ३२ जना सिकिस्त र ४९ मध्यम खालका कोरोना संक्रमितको अस्पतालहरुमा उपचार चलिरहेको छ ।