बुटवल । नेपाल कम्युनिष्ट पार्टी (माओवादी केन्द्र) सिद्धार्थनगर नगर कमिटीले कोरोना संक्रमण भएर भिम अस्पताल भर्ना भएका विरामीका लागि निःशुल्क तातो बेसार पानी, ज्वानो पानी, चिया र अण्डा वितरण शुरु गरको छ ।
उपचाररत संक्रमितहरुलाई आजबाट माओआदी केन्द्रका कार्यकर्ताहरुले बेसार पानी, ज्वानो पानी र चियाका साथमा अण्डा वितरण गर्न थालेका हुन् ।
दिनको तिन पटक विहान, ७ बजे देखि ९ बजे सम्म, दिउसो १२ देखि २ बजे सम्म र साझ ५ बजे देखी ७ बजे सम्म विरामीलाई आवश्यकता अनुसार तातो पानी, बेसार, ज्यानो पानी, चिया र अण्डा वितरण गरिने पार्टीका नगर ईञ्चार्ज डार्विन रोक्का मगरले बताए ।
कोरोनाका कारण अस्पतालमा भर्ना भएका विरामी र उनका कुरुवाहरुका लागि आवश्यक पर्ने खानेकुराहरु स्थानिय बजारमा निषेधाज्ञा जारि भएपछि पाउन छाडेकाले पार्टीले निःशुल्क रुपमा वितरण गर्न शुरु गरेको पार्टीका विद्यार्थी नेता तुल्सी न्यौपानेले बताए ।
वितरण कार्यक्रम पार्टीको नगर कमिटी, जनबर्गिय संगठन वाईसिएल नेपालले संयुक्त रुपमा संचालन गर्ने पार्टीको नगर कार्यालयले जनाएको छ । माहामारीको बेलामा विपदमा परेका विरामीहरुका लागि मानवताको हिसावले सहयोग गरिएको पार्टीका नेता फैज अहमद खानले जनाए ।
सो पार्टीले अस्पतालमा शुरु गरिएको वितरण कार्यक्रमलाई सफल पार्नका लागि सवैले आआफ्नो क्षेत्र बाट सहयोग पुराउन पनि अनुरोध गरेको छ ।
प्रतिक्रिया