काठमाडौं । नेकपा एमालेको सांगठानिक संरचनालाई २०७५ जेठ २ गतेको अवस्थामा पु¥याउनका लागि बन्ने भनिएको कार्यदलको बिषय टुङ्ग्याउन आज पनि प्रधानमन्त्री केपी ओली र एमाले वरिष्ठ नेता माधव नेपालबीच भेटवार्ता हुने भएको छ । एमालेभित्रको विवाद समाधान गर्ने मुख्य एजेण्डा बनाईएको कार्यदलका सदस्यहरुको टुङ्गो लगाउन अध्यक्ष ओली र नेपालबीच भेटवार्ता हुने भएको हो ।
गत शुक्रबार दुवैतर्फका नेतासहित भएको छलफलमा एमालेको २०७५ जेठ २ गतेको सांगठानिक अवस्थालाई ब्युँताउने सहमती भएको थियो । सहमती कार्यान्वयन गर्न कार्यदल बनाउने र कार्यदलमा बस्ने सदस्यहरुको नामको टुङ्गो लगाउने जिम्मा ओली र नेपाललाई दिईएको थियो ।
आज दिउँसो दुईनेताबीच बैठक हुने निश्चित भएपनि समय र स्थान भने तय भईनसकेको प्रधानमन्त्री स्रोतले उल्लेख गरेको छ ।
प्रतिक्रिया