काठमाडौं । कोरोना महामारीकैबीच नेपाल आयल निगमले पेट्रोलियम पदार्थको मूल्य बढाएको छ ।
निगमले आइतवार राति १२ बजेबाट लागू हुनेगरी विभिन्न पेट्रोलियम पदार्थको मूल्य वृद्धि बढाएको हो ।
निगमले पेट्रोल, डिजेल तथा हवाई इन्धन (आन्तरिक उडान)को मूल्यमा लिटर २ रुपैयाँका दरले बढाएको छ ।
लिटरमा २ रुपैयाँले बढेसँगै पेट्रोलको मूल्य लिटरको १२३ रुपैयाँ पुगेको छ ।
यस्तै, डिजेल तथा मट्टितेलको मूल्य प्रतिलिटर १०६ रुपैयाँ र हवाई इन्धन (आन्तरिक उडान)को मूल्य प्रतिलिटर ७८ रुपैयाँ पुगेको छ ।
त्यस्तै एलपी ग्यास र अन्तर्राष्ट्रिय हवाइ उडानको इन्धनको मूल्य भने यथावत राखिएको निगमले जनाएको छ ।
निगमले भने मूल्य बढाएपछि पनि आफूलाई घाटा रहेको जिकिर गरेको छ ।
प्रतिक्रिया