काठमाडौं । सात मन्त्रीको नियुक्ति खारेजीबारे सर्वोच्च अदालतको आदेशलाई नेकपा एमालेले सम्मान गर्नेभएको छ ।
एमाले स्थायी कमिटी बैठकपछि संचारकर्मीहरुसँग कुरा गर्दै प्रवक्ता प्रदीप ज्ञवालीले सरकारले अदालतको आदेशको सम्मान गर्ने बताएका हुन् ।
प्रवक्ता ज्ञवालीले अदालतको निर्णय कार्यन्वयन गर्नु सरकारको कर्तव्य रहने बताए । उनले यसबारे थप कुरा आदेशको पूर्णपाठ हेरेपछि भन्न सकिने बताए । उनले भने, ‘हामीले पूर्णपाठ हेर्न पाएका छैनौं । अदालतको निर्णयप्रति हाम्रो कतिपय तर्क र फरक राय हुनसक्छन् । तर, अदालतको फैसलाको कार्यान्वयन गर्नु हाम्रो कर्तव्य हो ।’
सर्वोच्च अदालले गैर सांसद सात जना मन्त्रीको नियुक्ति असंवैधानिक भएको ठहर गर्दै नियुक्ति बदर गर्न आजै आदेश दिएको थियो ।
प्रतिक्रिया