बाँकेमा १८८ जनामा कोरोना संक्रमण पुष्टि हुँदा ४७५ जना कोरोना मुक्त, ६ जनाको मृत्यु

नेपालगन्ज । बाँकेका २ वटा प्रयोगशालामा पछिल्लो २४ घण्टामा ९२७ नमुना परीक्षण गर्दा ५२८ जनामा कोरोना संक्रमण पुष्टि भएको छ । भेरी अस्पताल र बागेश्वरी डाइग्नोशिस ल्यावमा गरिएको पीसीआर परीक्षणबाट २४ घण्टामा कुल ५२८ जनामा संक्रमण पुष्टि भएकोमा बाँकेका ७७ महिला र १११ पुरुष गरि १८८ जनामा मात्र संक्रमण पुष्टि भएको छ । नेपालगन्ज मेडिकल कलेजको ल्यावको रिपोर्ट भने आजको विवरणमा समावेश गरिएको छैन ।

सोही समयमा बाँकेमा जिल्ला भित्रका ६ र जिल्ला बाहिरका ६ जना गरि १२ जना कोरोना संक्रमितको मृत्यु भएको छ । डीसीसीएमसी बाँकेका अनुसार भेरी अस्पतालको पीसीआर प्रयोगशालामा ७८० नमुना परीक्षण गर्दा ४६८ जनामा संक्रमण पुष्टि भएको थियो भने बागेश्वरी ल्यावमा १४७ नमुना परीक्षण गर्दा ६७ जनामा कोरोना देखिएको थियो ।

बाँकेमा आज ४७५ जना कोरोना मुक्त भएर डिस्चार्ज भएका छन् । जिल्लामा आज सम्ममा २५९ जिल्ला भित्रका र २१५ जना जिल्ला बाहिरका कोरोना संक्रमितहरुको उपचारका क्रममा मृत्यु भएको छ ।