बझाङ । यातायात संचालन भएको दुई महिना नबित्दैं पानकोट मोटररेबल पुल चर्किएको छ ।
बझाङको सदरमुकाम चैनपुर जोड्ने पानकोट पुल ठेकेदारका लापरवाहीका कारण चर्किएको स्थानीयहरु बताउछन ।
एक बासिन्दा कैलास खड्काले भने, ‘दुई दिनको बर्षाले त पिल्लरहरु बाङ्गो भएर चर्किएको छ वर्षा हुन अझै बाकि छ समयमै मर्मत सम्भार नगरे पुल बग्ने खतरा रहेको छ ।’
त्यस्तै अर्का स्थानीय हिमाल जोशीले भने ठेकेदारले जुन ठाउमा जालि भर्नुपर्ने हो त्यहाँ नभरेर गलत ठाँउमा जालि भरेका कारण पुल चर्किने अवस्था आएको बताए ।
७० मिटर लम्बाई रहेको उक्त मोटरेबल पुल बन्दा पुल पारी र पुल वारीका बासिन्दाहरु हर्षित भएका थिए । यसअघि विभिन्न निर्माण कम्पनीसँग ठेक्का सम्झौता भए पनि चैत २०७५ मा इलाइट कन्स्ट्रक्सन प्रालिसंग करिब ९ करोड रुपैयाँमा क्रसब्रिज बनाउने ठेक्का सम्झौता भएको थियो ।
प्रतिक्रिया