प्रधानमन्त्रीका प्रेस सल्लाहकार थापाको प्रश्न : मार्गप्रशस्त भनेको पदत्याग गरेको हो भन्ने नबुझेको हो कि बुझ पचाएको मित्रहरू ?

काठमाडौं । प्रधानमन्त्री केपी शर्मा ओलीका प्रेस सल्लाहकार सूर्य थापाले बहुमत जुटाएर सरकार बनाउन प्रतिपक्षी दललाई चुनौति दिएका छन् ।

सामाजिक सञ्जाल ट्विटरमार्फत आफ्नो धारणा सार्वजनिक गर्दै थापाले १ सय ३८ जनाको मत देखाएर सरकार बनाउन प्रतिपक्षी दललाई चुनौति दिएका हुन ।

उनले मार्गप्रशस्त भनेको पदत्याग गरेको हो भन्ने नबुझेको हो कि बुझ पचाएको भन्दै प्रश्न समेत गरेका छन् । थापाले बहुमत सदस्यहरूको समर्थनमा नयाँ प्रधानमन्त्री बनेर प्रधानमन्त्री ओलीलाई विपक्षमै बस्न बाध्य गराउन चुनौति दिएका छन् ।

"मार्गप्रशस्त"भनेकाे पदत्याग गरेकाे हाे भन्ने नबुझेकाे हाे कि बुझ पचाएकाे मित्रहरू?
बहुमत सदस्यहरू(१३८जना)काे समर्थनमा धारा ७६(५)बमाेजिम नयाँ प्रधानमन्त्री बनेर प्रधानमन्त्री केपी शर्मा ओलीलाई विपक्षमै
बस्न बाध्य गरे भइहाल्यो त!
"के काे सारंगी -याई-याई
भयाे जीवन तिरिमिरी झ्याई?"

— Surya Thapa (@ThapajiSurya) May 21, 2021

प्रधानमन्त्री ओलीले बिहीबार विश्वासको मत नपुग्ने भएकाले उपधारा ५ अनुसार सरकार गठन गर्न आह्वान गर्ने निर्णय गरेका थिए । त्यहीअनुसार राष्ट्रपतिले बिहीबार साँझै सरकार गठनको आह्वान गरिसकेकी छन् । राष्ट्रपतिले आह्वान गरेको समयसीमा आजै साँझ सकिँदैछ ।