काठमाडौं । नेपाली कांग्रेसको पदाधिकारी बैठक सुरु भएको छ ।
राष्ट्रपति विद्यादेवी भण्डारीले संविधानको धारा ७६ को उपधारा ४ को व्यवस्थालाई पालना नगरी धारा ७६(५) अनुसार वैकल्पिक सरकारका लागि आह्वान गरेपछि उत्पन्न परिस्थितिबारे छलफल गर्न बैठक बसेको हो ।
सभापति देउवा निवास बुढानिलकण्ठमा बसेको आकस्मिक बैठकमा वैकल्पिक सरकारको गठनको अवस्था, प्रधानमन्त्रीमाथि अविश्वासको प्रस्ताव र राष्ट्रपतिमाथि महाअभियोससम्मका विषयमा छलफल हुने बताइएको छ ।
बिहान ९ बजे बोलाइएपनि पौने १० बजेमात्र सुरु भएको बैठकमा पार्टीका पदाधिकारी, पूर्वपदाधिकारी र संसदीय दलका पदाधिकारीहरु सभागी छन् ।
राष्ट्रपति भण्डारीले आज साँझ ५ बजेसम्मको मात्र समय दिएर संविधानको धारा ७६ उपधारा ५ बमोजिम नयाँ सरकार गठनको दाबी प्रस्तुत गर्न आह्वान गरेकी छिन् ।
संविधानको धारा ७६ (३) अनुसार प्रधानमन्त्री बनेका केपी शर्मा ओलीले धारा ७६ (४) अनुसार विश्वासको मत नलिने र वैकल्पिक सरकारका लागि मार्ग प्रशस्त गर्ने निर्णय गरेका थिए । तर, विश्वासको मत नलिई या राजीनाम नदिइ अर्को सरकार गठनको प्रक्रिया असंवैधानिक र अलोकतानित्रक भएको कांग्रेसको प्रारम्भिक प्रतिक्रिया थियो ।
प्रतिक्रिया