बुटवल । बुटवल स्थित लुम्बिनी प्रादेशिक अस्पतालमा उपचाररत ३ जना कारोना संक्रमितको मृत्यु भएको छ । मृतक मध्य २ जनाको कोरेना विशेष अस्पताल धागो कारखाना र १ जनाको प्रादेशिक अस्पतालको इमर्जेन्सीमा मृत्यु भएको हो
अस्पतालले दिएको जानकारी अनुसार जेठ ४ गते अस्पताल भर्ना भएका बुटवल ८ का ५६ वर्षिय पुरुषको शुक्रबार साँझ ६ः२९ बजे विशेष अस्पतालको आईसीयू वार्डमा मृत्यु भएको थियो भने जेठ ३ गते भर्ना बुटवल ११ की ७२ वर्षिया महिलाको आज बिहान ६ बजे अस्पतालको इमेर्जेन्सी कक्षमा मृत्यु भएको थियो । त्यस्तै जेठ ६ गते कोरोना विशेष अस्पतालमा भर्ना भएकी बुटवल १२ की २६ वर्षिया महिलाको आज बिहान ६ः०३ बजे मृत्यु भएको अस्पतालका प्रवक्ता डा. बिष्णु गौतमले जानकारी दिए ।
आज मृत्यु भएसँगै रुपन्देहीमा कोरोना संक्रमणबाट मृत्यु हुनेको संख्या ३७१ पुगेको छ ।
प्रतिक्रिया