काठमाडौं । संसद विघटनको विरुद्धमा प्रमुख विपक्षी नेपाली कांग्रेसको भातृ संगठन नेपाल विद्यार्थी संघले निषेधाज्ञाको उल्लंघन गर्दै मसाल जुलुस प्रदर्शन गरेको छ । असंवैधानिक तवरले प्रतिनिधिसभा बिघटन गरेको भन्दै नेविसंघले काठमाडौंमा मसाल जुलुस निकालेको हो ।
नेविसंघ केन्द्रीय समितिको निर्देशनमा नेविसंघ कोटेश्वर क्याम्पस इकाइले काठमाडौंको जडिबुटीमा मसाल जुलुस निकालिएको नेविसंघले जनाएको छ ।
प्रधानमन्त्री र राष्ट्रपतिले संविधान बिपरित वलमिचेर संसद बिघटन गरेको भन्दै प्रदर्शनकारीहरुले राष्ट्रपति र प्रधानमन्त्री ओली
विरुद्ध नारा लगाएका थिए । नेविसंघको मसाल मसाल जुलुसमा प्रहरीले हस्तक्षेप गरेको थियो ।
नेविसंघ केन्द्रीय समितिको निर्देशनमा बिभिन्न क्याम्पस अगाडी पनि शनिबार साँझ मसाल जुलुस निकालिएको नेविसंघले जनाएको छ ।
प्रतिक्रिया