काठमाडौं । राष्ट्रपति विद्यादेवी भण्डारी र प्रधानमन्त्री केपी शर्मा ओलीको तस्बिरमा गोबर टाँस्ने एक विद्यार्थी नेतालाई प्रहरीले पक्राउ गरेको छ ।
नेपाली कांग्रेसको भातृ संगठन नेपाल विद्यार्थी संघका नेता नवराज त्रिपाठीलाई प्रहरीले आइतबार बिहान पक्राउ गरेको हो ।
राष्ट्रपति र प्रधानमन्त्रीको पोस्टर टाँसी त्यसमाथी गोबर पोतेको अभियोगमा प्रहरीले त्रिपाठीलाई पक्राउ गरेको हो ।
पक्राउ परेका विद्यार्थी नेतालाई रिहा गर्न नेवि संघले माग गरेको छ । नेविसंघले कोरोना महामारीको बेला राष्ट्रपति र प्रधानमन्त्रीले थप संकट निम्त्याएकोले त्यस विरुद्ध सडकमा आउन बाध्य भएको जनाएको छ ।
प्रधानमन्त्री ओलीको योजनामा प्रतिनिधिसभा विघटन गर्ने राष्ट्रपति भण्डारीको कदम असंवैधानिक र अलोकतान्त्रिक भएको भन्दै शनिबारदेखि नेवि संघले सडकमा प्रदर्शन सुरु गरेको छ । कोरोना महामारी नियन्त्रणका लागि भन्दै जारी निषेधाज्ञाकै बीचमा नेवि संघले हिजो देशका विभिन्न भागमा स सानो समुहमा मसाल जुलुस निकालेको थियो ।
प्रतिक्रिया