काठमाडौं । पाँच विपक्षी दलले प्रतिनिधिसभा विघटन विरुद्ध आज सर्वोच्चमा रिट दर्ता गर्दैछन् ।
नेपाली कांग्रेस संसदीय दलका नेता शेरबहादुर देउवालाई प्रधानमन्त्री नियुक्ति गर्न परमादेश माग गर्दैै पाँच दलले सर्वोच्च अदालतमा रिट दर्ता गर्न लागेका हुन् । त्यसका लागि आवश्यक सबै कागपत्र मिलाइसकिएको छ ।
संविधानको धारा ७६ को उपधारा ५ अनुसार १४९ जना सांसदहरुको हस्ताक्षरसहित प्रधानमन्त्रीमा दाबी पेश गर्दा पनि त्यसलाई अस्वीकार गरिएकाले सीधै प्रधानमन्त्री पदमा नियुक्तिको परमादेशको माग गर्दै रिट दर्ता हुन लागेको हो ।
रमेश लेखक, राधेश्याम अधिकारी, देव गुरूङ र उपेन्द्र यादवले परमादेश ड्राफ्ट तयार पारेका छन् । ड्राफ्ट तयार पार्न कानूनव्यवसायीरु सतीशकृष्ण खरेल, योगेन्द्र कार्की, गोविन्द बन्दी, मुक्ति प्रधानले सहयोग गरेका छन् ।
बिहान १० देखि ११ बजेको बीचमा सर्वोच्चमा रिट दर्ता हुने भएको छ ।
यसअघि पाँच विपक्षी दलका शीर्ष नेता र सांसदहरु संसद भवन नयाँ वानेश्वरमा हिजो सामुहिक छलफल गरेका थिए ।
कांग्रेस, माओवादी, एमाले नेपाल पक्ष, जसपा र जनमोर्चाका शीर्ष नेताहरु र सांसदहरु संसद भवनमा भेला भएर सांसदहरुको हस्ताक्षर संकलन गरेका थिए ।
प्रतिक्रिया