बाँकेमा उपचाररत ५ जना कोरोना संक्रमितको मृत्यु, बाँके भने आज पनि मृत्युबाट जोगियो

खबर कुरा
१० जेष्ठ २०७८, सोमबार
                 

नेपालगन्ज । बाँकेमा उपचाररत ५ जना कोरोना संक्रमितको रातभरीमा मृत्यु भएपनि बाँके भने आज पनि मृत्युबाट जोगिन सफल भएको छ । अन्य जिल्लाबाट बाँकेमा उपचार गर्न आएका कोरोना संक्रमित मध्य ५ जनाको मृत्यु भएको अस्पतालहरुले जनाएका छन् । रातभरीमा भेरी अस्पताल नेपालगन्जमा ३ जना र नेपालगन्ज मेडिकल कलेज बोहलपुरमा २ जनाको मृत्यु भएको छ ।

जेठ २ गते भेरी अस्पताल भर्ना भएका ठाकुरबाबा ३ बर्दियाका ४१ वर्षिय पुरुषको आईतबार साँझ ६ः३० बजे मृत्यु भएको थियो भने २ गते नै भेरीमा भर्ना र्भका तुलसिपुर ६ दाका ७१ वर्षिय पुरुषको आईतबार राती ८ः३० बजे मृत्यु भएको थियो । त्यसैगरि आईतबार म्डिकल कलेज कोहलपुर भर्ना भएका लमही ४ दाङका ४३ वर्षिय पुरुषको मध्यराती १२ः४५ बजे मृत्यु भएको छ भने बैशाख २३ गते भेरी अस्पताल भर्ना भएका बाँसगढी बर्दियाका ५५ वर्षिय पुरुषको सोमबार बिहान १ बजे, बैशाख २७ गते र मेडिकल कलेज कोहलपुर भर्ना भएका गुलरिया १२ बर्दियाका ५५ वर्षिय पुरुषको पनि १ः१५ मा मृत्यु भएको बाँकेका कोरोना फोकलपर्शन तेज ओलीले जानकारी दिएका छन् ।

शनिबार देखि बाँकेका कुनै पनि संक्रमितको मृत्यु भएको छैन भने बाहिरी जिल्लाका मृत्यु हुनेको संख्या २४५ पुगेको छ । शनिबार सम्ममा बाँकेका २७३ जनाको मृत्यु भएको थियो ।

यसमा तपाइको मत

Your email address will not be published.


*