काठमाडौं । नेपाली कांग्रेसका नेता एवं सांसद गगन थापाले अहंकारी प्रधानमन्त्रीका कारण पटकपटक अदालत आउनुपरेको बताएका छन् ।
सर्वोच्च अदालतमा विपक्षी दलहरुको तर्फबाट रिट दायर गरेपछि संचारकर्मीहरुसँग कुरा गर्दै नेता थापाले अहंकारी प्रधानमन्त्रीका कारण पटक पटक अदालत धाउनुपरेको बताएका हुन् ।
‘एउटा अहंकारी प्रधानमन्त्रीले संविधान उलंघन गरेकोले पटकपटक अदालत आउनुपर्यो, पटकपटक अदालत आउनु दुर्भाग्य हो’ उनले भने, ‘यस्तो संविधानविरोधी, गैरजिम्मेवार, अयोग्य, अहंकारी प्रधानमन्त्री प्राप्त गर्नुपर्ला भन्ने कल्पना थिएन ।’
थापाले ५४ प्रतिशत सांसद सर्वोच्च अदालत आएका कारण अब सर्वोच्चले दायाँबायाँ गर्न नमिल्ने बताए। थापाले अदालत आफैले केही महिना अघि गरेको व्याख्या र संविधानको अध्ययन गरेर फैसला गर्ने विश्वास व्यक्र गरे । अदालतप्रति आफुहरुको भरोसा भएको उनले बताए ।
प्रतिक्रिया