काठमाडौं । सभामुख अग्निप्रसाद सापकोटाले संसद पूर्वसभामुखहरुसँग परामर्श गर्नेभएका छन् ।
प्रतिनिधिसभा विघाटनपछिको अवस्थाबारे सभामुख सापकोटाले पूर्वसभामुखहरुसँग छलफल गर्न लागेका हुन् । आज दिउँसो १ बजे संसद भवन नयाँ वानेश्वरमा बैठक बोलाइएको छ ।
२०४८ साल यता ६ जना पूर्वसभामुखहरुले संसदको नेतृत्व गरेका छन् । छलफलमा दमननाथ ढुङ्गाना, रामचन्द्र पौडेल, तारानाथ रानाभाट, सुवास नेम्वाङ, ओनसरी घर्ती, कृष्णबहादुर महरालाई बोलाइएको छ ।
राष्ट्रपति विद्यादेवी भण्डारीले जेठ ८ गते मध्यरातमा प्रतिनिधिसभा भंग गरेर मध्यावधि निर्वाचनको घोषणा गरेपछि सापकोटाले त्यसको विरोध गरेका थिए । प्रतिनिधिसभा विघटनको विरोधमा बहुमत विपक्षी सांसदहरुले सर्वोच्च अदालतमा मुद्दा दायर गरेका छन् ।
प्रतिक्रिया