काठमाडौं । सभामुख अग्निप्रसाद सापकोटाले पूर्वसभामुखहरूसँग छलफल गरेका छन्।
संसद भवनको ल्होत्से हलमा सभामुख सापकोटाले पूर्वसभामुखहरूसँग छलफल गरेका हुन्। छलफलमा ३ जना पूर्व सभामुखहरु रामचन्द्र पौडेल, कृष्णबहादुर महरा र ओनसरी घर्ती मगर सहभागी भएका छन् ।
सभामुख सापकोटाले प्रतिनिधिसभा विघटनपछिको अवस्थाबारे पूर्वसभामुखहरुको राय लिएको बताइएको छ ।
राष्ट्रपति विद्यादेवी भण्डारीले जेठ ८ गते प्रतिनिधिसभा भंग गरेर चुनावको घोषणा गरेपछि सभामुख सापकोटाले त्यसलाई असंवैधानिक भन्दै विरोध गरेका थिए । सापकोटाले सरकार बन्ने अवस्था हुँदाहुँदै संसद भंग गरिएको जिकिर गरेका थिए ।
छलफलमा सबै पूर्वसभामुखहरुलाई बोलाइए पनि सुवास नेम्वाङ, दमननाथ ढुंगाना र तारानाथ रानाभाट भने अनुपस्थित भए ।
प्रतिक्रिया