नेपालगन्ज । बाँकेमा पछिल्लो २४ घण्टामा ५५९ जनामा कोरोना संक्रमित थपिएका छन् । बाँकेका ३ वटा प्रयोगशालामा भएको पीसीआर परीक्षणमा १०४७ नमुना परीक्षण गर्दा ५५९ जनामा कोरोना संक्रमण पुष्टि भएको हो । सोही समयमा बाँकेमा उपचाररत १४ जनाको मृत्यु भएको छ भने २९३ जना कोरोना मुक्त भएका छन् ।
भेरी अस्पताल पीसीआर ल्यावमा ८१६ नमुना परीक्षण गर्दा ४८४ जनामा कोरोना संक्रमण पुष्टि भएको छ भने नेपालगन्ज मेडिकल कलेजमा ९१ नमुना परीक्षण भएकोमा २४ जनामा र बागेश्वरी डाइग्नोशिस केन्द्रमा १४० नमुना परीक्षण गर्दा ५१ जनामा कोरोना संक्रमण पुष्टि भएको छ । अनुपातको हिसावले पछिल्लो २ दिन घटेको बाँकेको कारोना ग्राफ आज फेरि बढेको तथ्यांकले देखिएको छ । कुल संक्रमित मध्य बाँके जिल्लाका २४७ जनामा कोरोना संक्रमण पुष्टि भएको हो । नमुना परीक्षणको ५३ दशमलव ३९ प्रतिशतमा संक्रमण पुष्टि भएकोमा बाँकेका मात्र ४४ दशमलव २ प्रतिशतमा संक्रमण देखिएको छ ।
बाँकेमा २४ घण्टाकैबीचमा १४ जना मृत्यु भएकोमा ५ जना बाँके जिल्ला भित्रका र ९ जना अन्य जिल्लाका रहेका छन् । आज सम्ममा बाँकेमा उपचाररत बाँके भित्रका २७९ जना र जिल्ला बाहिरका २५५ जना कोरोना संक्रमितको मृत्यु भएको छ ।
प्रतिक्रिया