बुटवल । रुपन्देहीका पछिल्लो २४ घण्टामा ७६५ नमुना परीक्षण गर्दा २३६ जनामा कोरोना संक्रमण पुष्टि भएको छ । सोही अवधीका रुपन्देहीमा ५०४ जना कोरोना मुक्त भएका छन् ।
स्वास्थ्य कार्यालय रुपन्देहीका अनुसार २४ घण्टाकै अवधीमा रुपन्देहीमा १ जनाको मात्र मृत्यु भएको छ । कोरोनाको दोस्रो लहर सुरुभएसँगै जिल्लमा पहिलो पटक बुटवल उपमहानगरमा भन्दा बढी तिलोत्तमामा ६४ जनामा कोरोना संक्रमण पुष्टि भएको छ । आज बुटवलमा ६० जना संक्रमित थपिएका छन् । त्यसैगरि सैनामैनामा २६ जना, कञ्चनमा १९, देवदहमा १७ जना र ओमसतियामा ११ जना नयाँ संक्रमित थपिएका छन् ।
जिल्लामा अहिले सम्ममा ३९७ जनाले कोरोना संक्रमणबाट ज्यान गुमाएका छन् भने अहिले पनि जिल्लामा ३९८७ जना सक्रिय संक्रमित रहेका छन् ।
प्रतिक्रिया