संसद विघटन विरुद्धको १९ रिटमाथिको सुनुवाइ प्रधानन्यायाधिस राणाको एकल बेन्चमा

काठमाडौं । सर्वोच्च अदालतमा परेको संसद विघटनको विरुद्धका रिटहरुको सुनुवाइ प्रधानन्यायाधीश चोलेन्द्र शम्शेर जबराको बेन्चमा हुने भएको छ । प्रधानन्यायाधीश जबराले संसद विघटन विरुद्धको १९ रिटको सुनुवाइ आफ्नो एकल बेन्चमा हुने गरी तोकेका हुन् ।

सर्वोच्च अदालतका अनुसार अन्तरिम आदेश माग गरिएका १९ वटा रिटको सुनुवाइ आज हुँदैछ । सोही सम्बन्धी संवैधानिक इजलासमा सुनुवाइको माग गरिएका अर्को ११ रिटको भने जेठ १४ गते शुक्रबारका लागि पेशी तोकिएको छ ।

प्रधानमन्त्री केपी ओलीको सिफारिसमा राष्ट्रपति विद्यादेवी भण्डारीले धारा ७६(५) बमोजिमको प्रधानमन्त्री नियुक्ति हुने आधार नरहेको भन्दै संसद विघटन गरी मध्यावधि निर्वाचन घोषणा गरेपछि सर्वोच्चमा त्यसविरुद्ध ३० वटा रिट दर्ता भएका छन् ।

निवेदकहरु विपक्षी गठबन्धनका १४६ जना सांसद सहितले संसद विघटन असंवैधानिक भएको जिकीर गर्दै र धारा ७६(५) अनुसार शेरबहादुर देउवालाई प्रधानमन्त्री नियुक्त गर्नुपर्ने माग गर्दै सर्वोच्च अदालतमा रिट दर्ता गरेका छन् ।

गत जेठ ७ गते मन्त्रिपरिषदको सिफारिसमा राष्ट्रपति विद्यादेवी भण्डारीले संसद विघटन गरी आगामी कात्तिक २६ र मंसिर ३ गते निर्वाचनको मिति तोकिएको छ ।