सभामुख सापकोटाको परामर्श जारी, आज संविधानविद, कानुन तथा न्याय क्षेत्रका विज्ञहरुसँग परामर्श लिँदै

काठमाडौं । सभामुख अग्नि सापकोटाले संसद विघटनका विषयमा परामर्श लिने कार्यलाई जारी राखेका छन् ।

मंगलबार पूर्वसभामुखहरुसँग परामर्श गरेका सभामुख सापकोटाले आज (बिहीबार) संविधानविद, कानून र न्यायिक क्षेत्रका विज्ञ, संसदीष् व्यवस्थाका विशेषज्ञहरुसँग परामर्श थालेका हुन् । दिउँसो एक बजेदेखि संसद भवनको ल्होत्से हलमा परामर्श बैठक सुरु भएको सभामुखको सचिवालयले जनाएको छ ।

आजको परामर्श बैठकमा नेपाल बार एशोसिएसनका पूर्वअध्यक्षहरु, वरिष्ठ अधिवक्ताहरु, संविधानविद लगायतको सहभागिता रहेको छ ।

सभामुख सापकोटाले यसअघि नै विज्ञप्ति जारी गरेर संसद विघटनलाई अलोकतान्त्रिक र असंवैधानिक कदम भनिसकेका छन् ।