काठमाडौं । बागमती प्रदेशबाट राष्ट्रियसभा सदस्यमा निर्वाचित डा खिमलाल देवकोटाको आज सपथ आज हुने भएको छ । संसद सचिवालयका अनुसार दिउसो १ बजे संसदको दीगो विकास तथा सुशासन समितिको हलमा देवकोटाको सपथ ग्रहण हुने भएको हो ।
देवकोटा राष्ट्रियसभाको उपनिर्वाचनमा गएको ६ जेठमा नेकपा एमालेका उम्मेद्वार रामबहादुर थापा बादललाई पराजित गर्दै निर्वाचित भएका थिए ।
कलम चिह्न लिएर स्वतन्त्र निर्वाचन लडेका देवकोटालाई नेपाली काँग्रेस, नेकपा माओवादी केन्द्र, नेकपा एमालेको एउटा समूहले समर्थन गरेका थिए ।
प्रतिक्रिया