सरकारका असंवैधानिक गतिविधिलाई साथ नदिन पाँच विपक्षी दलहरुद्वारा राज्यका सबै अंगलाई आग्रह

खबर कुरा
१६ जेष्ठ २०७८, आईतवार

काठमाडौं । पाँच विपक्षी गठबन्धनले सरकारका संविधान विपरित र अलोकतान्त्रिक गतिविधिलाई साथ नदिन राज्यका सबै अंगहरुलाई आग्रह गरेका छन् ।

कांग्रेस सभापति शेरबहादुर देउवा निवासमा बसेको विपक्षी गठबन्धनको छलफलपछि पाँच दलका शीर्ष नेतृत्वले विज्ञप्ति जारी गर्दै सरकारलाई साथ नदिन राज्यका निकायहरुलाई आग्रह गरेका हुन् ।

विपक्षी दलहरुले देश र जनतालाई दीर्घकालीन असर पार्ने संविधान विपरितका गतिविधि नगर्न सरकालाई चेतावनी दिएका छन् ।

विपक्षी दलहरुले संवैधानिक सर्वोच्चता, कानूनी शासन प्रणाली र स्वतन्त्र न्यायालय रहेको देशमा सर्वोच्च अदालतबाट संवैधानिक व्यवस्थाको संरक्षण भई न्याय प्राप्त हुनेमा विश्वस्त रहेको जनाएका छन् ।

उनीहरुले विज्ञप्तिमा भनेका छन्, ‘लामो कठोर संघर्षबाट प्राप्त नेपालको संविधान र लोकतन्त्रको पक्षमा एकतावद्ध रुपमा सशक्त किसिमले आवाज उठान र दृढताका साथ अग्रसर हुन हामी सबै राजनीतिक दलका नेता र कार्यकर्ताहरु तथा आम जनसमुदायमा हार्दिक आह्वान गर्दछौं ।’

यसमा तपाइको मत

Your email address will not be published. Required fields are marked *


*