नेपालमा रहेका ६२ पाकिस्तानी लिएर लाहोर उड्यो हिमालय एयरलाइन्स, फर्किंदा १४ नेपाली विद्यार्थी ल्याउने

खबर कुरा
१७ जेष्ठ २०७८, सोमबार

काठमाडौं । नेपालमा रहेका पाकिस्तानी नागरिकलाई उद्दार गरी पाकिस्तान पठाइएको छ ।

काठमाडौंस्थित पाकिस्तानी दूतावासको पहलमा हिमालयन एयरलाइन्सको चार्टर फ्लाइटबाट ६२ जना पाकिस्तानी नागरिकको उद्दार गरिएको हो ।

विभिन्न कामको सिलसिलामा नेपालमा आएका थिए । तर, कोरोना भाइरसको महामारी तीब्र बनेपछि नेपालले सबै अन्तराष्ट्रिय उडानमा प्रतिबन्ध लगाउँदा ती पाकिस्तानी नागरिकहरु अलपत्र परेका थिए ।

पाकिस्तानी दूतावासले आफ्ना नागरिकहरुको उद्दारका लागि संयोजन गरेपछि आज उनीहरुको उद्दार उडान भएको हो । हिमालय एयरलाइन्सको H95891 को उडानबाट उनीहरुलाई पाकिस्तानको लाहोर लगिएको छ ।

लाहोरका लागि बिहान ९ बजेर ५० मिनेटमा उडान भरेको हिमालय एयरलाइन्स आजै अपरान्ह ४ बजे काठमाडौं फर्किनेछ । स्वदेश फर्किँदा पाकिस्तानमा चिकित्सा शिक्षामा अध्ययन गरिरहेका १४ जना नेपाली विद्यार्थीलाई पनि सँगै लिएर आउने बताइएको छ ।

यसमा तपाइको मत

Your email address will not be published. Required fields are marked *


*