काठमाडौं । प्रधानमन्त्री केपी शर्मा ओलीले पूर्व प्रधानन्यायाधीशलाई आउटडेटेड र अदालतमा बहस गरिरहेका अधिवक्ताहरुलाई ताण्डव र तामासाको संज्ञा दिएपछि नेपाली काँग्रेसका प्रवक्ता विश्वप्रकाश शर्माले प्रधानमन्त्री ओलीमा कालो सोँच भएको टिप्पणी गरेका छन् ।
सोमबार एमालेको ओली समूह निकट युवा संघको कार्यक्रममा प्रधानमन्त्री ओलीले पूर्व प्रधानन्यायाधिसहरुको वक्तब्यलाई आउटडेटेडहरुको अदालतमाथि हस्तक्षपकारी ताण्डव र अधिवक्ताहरुलाई कालो कोटधारीहरुको तामासाको संज्ञा दिएपछि प्रवक्ता शर्माले प्रधानमन्त्रीमा खराव कालो सोँच भएको टिप्पणी गरेका हुन् ।
शर्माले ट्वीटरमा लेखेका छन्, ‘कालो कोटमा होइन कालो सोचमा समस्या छ प्रधानमन्त्रीज्यू । व्यक्तिको अभिव्यक्ति स्वतन्त्रताविरुद्ध शासकको भावनात्मक उत्तेजना सदैव निन्दनीय हुन्छ।’
`कालो कोट´ मा होइन `कालो सोच´ मा समस्या छ @PM_Nepal ….!
ब्यक्तिको अभिव्यक्ति स्वतन्त्रता विरुद्ध शासकको `भावनात्मक उत्तेजना´ सदैब निन्दनीय हुन्छ !
— Bishwa Prakash शर्मा (@bishwaprakash77) May 31, 2021
२ दिन पहिले संविधान मासिने खतारा आएको औंल्याउँदै चार पूर्व प्रधानन्यायाधिसहरुले संयुक्त वक्तव्य जारी गरेका थिए । पूर्वप्रधानन्यायाधीशहरुलाई ओलीले सरकारी तलव खाएर वर्तमान न्यायालयका कामकारबाहीमाथि हस्तक्षेपकारी ताण्डव गर्ने सडकमा ? भन्दै प्रश्न गरेका थिए । विवेक बोल्ने पुर्व प्रधानन्यायाधीशहरु आउटडेटेड अनि आफ्नो आउटडेटेड राजनैतिक दर्शन चैं दिब्यज्ञान ? भन्दै प्रधानमन्त्री ओलीमाथि पनि प्रश्न तेर्साएका छन् ।
अरु बोले अराजक अभिव्यक्ति,आफु बोले अभिव्यक्ति स्वतन्त्रता ?
विवेक बोल्ने पुर्व प्रधानन्यायाधीशहरु आउटडेटेड अनि आफ्नो आउटडेटेड राजनैतिक दर्शन चैं दिब्यज्ञान ?
सम्माननिय @Pm_Nepal ब्यक्तिको पहिचान अभिव्यक्तिमा हुन्छ,देशको प्रधानमन्त्री पदको गरिमा खस्काउने अभिव्यक्ति रोकौं अब !!!! pic.twitter.com/X0WJrbNK0s
— Bishwa Prakash शर्मा (@bishwaprakash77) June 1, 2021
प्रतिक्रिया