काठमाडौं । शुक्रबार थप ६ हजार ६५३ जनामा कोरोना भाइरसको संक्रमण पुष्टि भएको छ ।
स्वास्थ्य मन्त्रालयका अनुसार २० हजार ८१३ नमूना परीक्षण गर्दा ६ हजार ६५३ जनामा संक्रमण पुष्टि भएको हो । पीसीआर परीक्षणबाट ४ हजार ६२४ जनामा र एन्टिजन परीक्षणबाट २ हजार २९ जनामा संक्रमण पुष्टि भएको छ ।
यसबीचमा ८ हजार ६६३ जना संक्रमण मुक्त भएको मन्त्रालयले जनाएको छ ।
यस्तै, पछिल्लो २४ घण्टामा १०१ जनाको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ७ हजार ७३१ पुगेको छ ।
सक्रिय संक्रमितको संख्या एकलाखबाट झरेर ९७ हजार ६९९ जना पुगेको छ ।
प्रतिक्रिया