कोरोनाको तेस्रो र चौथो लहर आउन सक्ने सरकारको चेतावनी

काठमाडौं । सरकारले कोरोना माहामारीको तेस्रो र चौथो लहर आउन सक्ने चेतावनी दिएको छ । स्वास्थ्य तथा जनसंख्या मन्त्रालयको गुणस्तर मापन तथा नियमन महाशाखाका प्रमुख डा. मदनकुमार उपाध्यायले शुक्रबार सबै नीजि, सरकारी, सहकारी तथा सामुदायीक अस्पतालहरुलाई परिपत्र गर्दै महामारीको तेसैो र चौथो लहर आउन सक्ने भन्दै त्यसको पूर्व तयारीका लागि सचेत गराएको छ । परिपत्रमा ती अस्पतालहरुलाई संक्रमित बालबालिकाको उपचारका लागि अस्पतालमा रहेको कुल बेड संख्याको २० प्रतिशत बेड छुट्याउन निर्देशन दिएको छ ।

महाशाखाका प्रमुख डा. उपाध्यायले आफ्नो स्वीकृत शय्याको कम्तीमा २० प्रतिशत शय्या कोभिड–१९ संक्रमित बालबालिकाको उपचारमा प्रयोग हुने गरी तयारी अवस्थामा राख्न अस्पतालहरुलाई निर्देशन गरेका हुन् ।