काठमाडौं । राष्ट्रिय जनमोर्चाले दल त्यागको अभियोगमा निष्काशनमा परेका गण्डकी प्रदेशका प्रदेशसभा सदस्य कृष्ण थापालाई सर्वोच्च अदालतले पुनर्वाहली गरिदिएको छ । गण्डकी प्रदेशसभा सदस्यबाट पदमुक्त भएका कृष्ण थापाको रिट निवेदनको सुनुवाइ गर्दै सर्वोचचले पद खारेज नगर्न अन्तरिम आदेश दिएको हो ।
न्यायाधीश कुमार चुडालको एकल इजलासले थापालाई प्रदेशसभा सदस्यको हैसियतमा कामकाज गर्न दिन अन्तरिम आदेश जारी गरेको छ । राजमोको केन्द्रीय निर्णय अनुसार विपक्षी गठबन्धनमा रहन अस्विकार गर्दै प्रदेशका मुख्यमन्त्री पृथ्वीसुब्बा गुरुङलाई समर्थन गर्ने निर्णय गरेपछि थापालाई सांसद पद खारेज गर्न राजमोको पत्र अनुसार प्रदेशसभा सचिवालयले पदमुक्त गरेको थियो ।
प्रतिक्रिया