बाँकेमा थपियो जेठ ३१ गते सम्म निषेधाज्ञा, कार्यान्वयन भने फितलो

खबर कुरा
२४ जेष्ठ २०७८, सोमबार

नेपालगन्ज । कोरोना महामारी नियन्त्रण तथा रोकथामलाई भन्दै बाँकेमा जारी निषेधाज्ञा जेठ ३१ गतेसम्मका लागिथपिएको छ । बैशाख ८ देखि नेपालगन्ज उपमहानगरबाट र १३ गतेदेखि बाँके जिल्ला भर जारी गरिएको निषेधाज्ञा आज राती १२ बजे सम्मका लागि आदेश गरिएको थियो । जिल्ला कोभिड व्यवस्थापन समितिको सिफारिसमा जेठ ३१ गते राति १२ बजेसम्मका लागि बाँकेका प्रमुख जिल्ला अधिकारी शिवराम गेलालले आदेश जारी गरेका छन् ।

जिल्लामा कोभिड–१९ संक्रमणको दरमा केहि कमी आएपनि जोखिम कायमै रहेकाले निषेधाज्ञा थप एक साता बढाइएको प्रमुख जिल्ला अधिकारी शिवराम गेलालले जारी गरेको आदेशमा उल्लेख छ । निषेधाज्ञा अवधिमा अत्यावश्यक सेवा र सो का लागि प्रयोग हुने सवारी साधन बाहेक अन्य सबै प्रकारका सेवा निषेध गरिएको छ । आदेशमा बन्दहुने केहि सेवाहरुलाई खुकुलो बनाईएपनि बाँकी सबै पूर्ववत बन्द गरिने आदेशमा उल्लेख गरिएको छ । दैनिक उपभोग्य समाग्रीका पसलहरुको समयावधी बढाएर १२ बजे सम्म बनाईएको छ भने बैंक तथा बिमा, बीउ विजन, कृषि औजार, बिषादीका पसल, निर्माण सामग्री पाइने पसल भने सिमित कामदार राखेर स्वास्थ्य मापदण्ड अपनाएर खोल्न पाइने सुचनामा उल्लेख छ ।

बाँकेमा निषेधाज्ञा बढाइए पनि कागजमा मात्र कार्यान्वयन देखिएको छ । जिल्लाका अधिकाँस स्थानहरुमा निषेधाज्ञाको कुनै प्रभाव रहेको छैन ।

यसमा तपाइको मत

Your email address will not be published. Required fields are marked *


*