राष्ट्रियसभाका नवनिर्वाचित सांसद पाण्डेले लिए सपथ

खबर कुरा
२६ जेष्ठ २०७८, बुधबार
                 

काठमाडौं । राष्ट्रियसभामा लुम्बिनी प्रदेशबाट निर्वाचित सांसद दृघनारायण पाण्डेले पद तथा गोपनीयताको सपथ लिएका छन् ।

संसद सचिवालयमा बुधबार राष्ट्रियसभा अध्यक्ष गणेशप्रसाद तिमिल्सिनाले सपथ गराएका हुन् ।

नेकपा माओवादी केन्द्रबाट २०७४ सालमा निर्वाचित चन्द्रबहादुर खड्काले दल त्याग गरेर एमाले बनेपछि रिक्त बनेको अन्य समुहअन्तर्गतको स्थानमा यही जेठ १७ गते उपनिर्वाचन भएको थियो ।

सो उपनिर्वाचनमा कांग्रेस, माओवादी केन्द्रसहितका विपक्षी दलको साझा उम्मेदवार बनेका पाण्डेले एमालेका उम्मेदवार चन्द्रबहादुर खड्कालाई पराजित गर्दै विजयी भएका थिए ।

पाण्डे त्यसअघि लुम्बिनी प्रदेशसभामा नेकपा एमालेका सांसद थिए । एमाले दल परित्याग गर्दै पाण्डे नेपाली कांग्रेसमा प्रवेश गरेका थिए ।

यसमा तपाइको मत

Your email address will not be published. Required fields are marked *


*