प्रधानमन्त्री ओलीले मन्त्रिपरिषद् विस्तार गर्दै, बादल पत्नी नैनकला थापा संचारमन्त्री बन्दै

गृहमन्त्रीमा खगराज अधिकारी, राजकिशोर यादव- उद्योगमन्त्री
खबर कुरा
२७ जेष्ठ २०७८, बिहीबार

काठमाडौं । प्रधानमन्त्री केपी शर्मा ओलीले फेरि मन्त्रिपरिषद् विस्तार गर्न लागेका छन् । प्रधानमन्त्री ओलीले सात जना मन्त्री र एकजना राज्यमन्त्री थपेर मन्त्रिपरिषद् विस्तार गर्न लागेका हुन् ।

प्रधानमन्त्री ओलीले पूर्वमाओवादी पक्षका तर्फबाट दुई जनालाई सामेल गरेका छन् । पूर्वगृहमन्त्री रामबहादुर थापाकी श्रीमती नैनकला थापा संचार मन्त्री बन्ने भएकी छिन् । यस्तै ज्वालाकुमारी साह कृषिमन्त्री बन्नेभएकी छिन् ।

यस्तै, जनता समाजवादी पार्टीका नेता राजकिशोर यादवले उद्योगमन्त्री पाएका छन् । जसपाभित्र ठाकुर समुहका नेता यादवलाई मन्त्री नबनाउँदा उनी ठाकुर समुह नै छोड्ने देखिएपछि मन्त्री पाएका हुन । यससँगै ओली मन्त्रिपरिषदमा जसपाले ११ वटा मन्त्रालय पाएको छ ।

प्रधानमन्त्री ओलीले गृहमन्त्रीमा खगराज अधिकारीलाई ल्याएका छन् । महेश बस्नेतको नाम समेत चर्चामा आएपनि अधिकारीले गृहमन्त्रालय पाएका छन् ।

यस्तै, नारदमुनी राणा नारदमुनी राना, वनमन्त्री, मोहन वानियाँ, प्रधानमन्त्री तथा मन्त्रिपरिषद्को कार्यालय, गणेश पहाडी सामान्य प्रशासन मन्त्री र आशा विक वनराज्यमन्त्री बन्नेभएका छन् । माधव नेपाल समुह छोडेर ओली समुहमा लागेका पहाडी पनि मन्त्रीपदबाट पुरस्कृत भएका हुन् ।

मन्त्रीहरुलाई आजै सपथ गराउने तयारी छ ।

यसमा तपाइको मत

Your email address will not be published. Required fields are marked *


*