नव नियुक्त ७ मन्त्री र १ राज्यमन्त्रीले लिए पद तथा गोपनीयताको शपथ

काठमाडौं । प्रधानमन्त्री केपी शर्मा ओलीको मन्त्रिपरिषद्का नवनियुक्त मन्त्रीहरुले पद तथा गोपनीयताको सपथ लिएका छन् ।

राष्ट्रपति कार्यालय शितल निवासमा आयोजित विशेष कार्यक्रममा सात जना मन्त्री र एक राज्यमन्त्रीले सपथ लिएका हुन् ।

राष्ट्रपति विद्यादेवी भण्डारीले सात जना मन्त्रीहरुलाई सपथ दिलाएकी छिन् । यस्तै एक राज्यमन्त्रीलाई प्रधानमन्त्री ओलीले सपथ दिलाएका छन् ।

प्रधानमन्त्री ओलीले आफ्नो मन्त्रिपरिषद्लाई बिहीबार पूर्णता दिएका हुन् । ओलीको मन्त्रिपरिषद् २५ सदस्यीय बनेको छ । जसमध्ये प्रधानमन्त्रीबाहेक तीन जना उपप्रधानमन्त्री, १८ जना मन्त्री र तीन जना राज्यमन्त्री रहेका छन् ।

प्रधानमन्त्री केपी शर्मा ओलीले आइतबार एमाले, पूर्व माओवादी, राजपा र एमाले नेपालपक्षमा लागेका एक नेता सहितलाई समेटेर मन्त्रिपरिषद विस्तार गरेका थिए ।