बुटवल । रुपन्देहीमा भन्सार छलेर नेपाल भित्र्याइएकाे ठुलो परिमाणको चिनी रुपन्देही प्रहरीले बरामद गरेको छ । प्रहरीले सुराकीका आधारमा रुपन्देहीको सिद्धार्थनगर ४ उद्योगपुरीबाट ५८ बोरा भन्सार नतिरेको चिनी बरामद गरेको हो ।
भन्सार छलेर नेपाल भित्र्याइएकाे सो परिमाणको चिनी सहित रचना स्टोरका संचालक देवप्रसाद श्रेष्ठलाई पनि प्रहरीले पक्राउ गरेको छ । श्रेष्ठको गोदामबाट २ लाख ३ हजार बराबरको ५८ बोरा चिनी बरामद भएको जिल्ला प्रहरी कार्यालय रुपन्देहीका निमित्त प्रवक्ता प्रहरी निरिक्षक भाष्कर चन्दले जानकारी दिए ।
प्रहरीले पक्राउ परेका श्रेष्ठ सहित बरामद भएको चिनी भन्सार कार्यालय बेलहियामा बुझाएको छ । सीमामा कडाई गरेको प्रशासनले दाबी गरेपनि निषेधाज्ञाकै बीचमा अबैध चोरी पैठारी हुने क्रम भने रोकिएको छैन ।
प्रतिक्रिया