पोखरा । गण्डकी प्रदेश सरकार निर्माणमा काठमाडौमा जस्तै तुच्छ राजनीतिक दाउपेच देखिएपछि विपक्षी गठबन्धनले प्रदेश प्रमुखको निवास अगाडि धर्ना दिएका छन् ।
संविधानको धारा १६८ को उपधारा ५ अनुसार ३१ जना सांसदहरुको बहुमतसहित सशरीर उपस्थित भएर हस्तक्षर सनाखत गराउँदा पनि सरकार गठन नगरेपछि दलहरुले प्रदेश प्रमुखको नियत विरुद्ध धर्ना दिएका हुन् ।
कामचलाउ सरकारका मुख्यमन्त्री पृथ्वी सुब्बा गुरुङले नक्कली पत्रसहित पुनः मुख्यमन्त्रीमा दाबी गरेको र त्यसैलाई आधार मानेर नयाँ सरकार गठन हुन नसक्ने भन्दै प्रदेश सभा नै विघटन गर्ने षड्यन्त्र हुन लागेको भन्दै दलहरु प्रदर्शनमा उत्रिएका हुन् ।
धर्नामा प्रदेशसभाका ३१ जना बहुमत सांसदहरु उपस्थित रहेका छन् । गुरुङले जनता समाजवादी पार्टी जसपाको महन्थ ठाकुर पक्ष र राष्ट्रिय जनमोर्चाबाट निस्काशित सांसद कृष्ण थापाको समर्थनमा मुख्यमन्त्रीमा दाबी गरेका थिए ।
मुख्यमन्त्रीमा कृष्णचन्द्र नेपालीलाई सपथ नदिलाए आफुहरु त्यस विरुद्ध अदालतमा जाने र सडकमा आन्दोलन गर्ने विपक्षी दलहरुले चेतावनी दिएका छन् ।
प्रतिक्रिया