काठमाडौं । पूर्व प्रधानमन्त्री एवं जनता समाजवादी पार्टी जसपा संघीय परिषद् अध्यक्ष डा. बाबुराम भट्टराईले प्रतिक्रान्तिकारीहरुलाई सत्तामा भएका कारण सबै समस्या सिर्जना भएको बताएका छन् ।
डा. भट्टराईले ट्वीट गर्दै संविधानसभाबाट संघीय लोकतान्त्रिक गणतन्त्र स्थापना भएपनि प्रतिक्रान्तिकारीहरु सत्तामा भएका कारण अर्को पुस्ताले पुनः लड्नुपर्ने अवस्था आउने बताएका छन् । भट्टराईले आधुनिक नेपाल राज्यको निर्माणपछि सबभन्दा ठूलो परिघटना जनयुद्ध, जनआन्दोलन, मधेस विद्रोहको बलमा संविधानसभाबाट संघीय लोकतान्त्रिक गणतन्त्र संस्थागत हुनु भएको जिकिर गरेका छन् ।
तर अहिले प्रतिक्रान्तिकारीहरु सत्तामा हुँदा गणतन्त्र स्थापनाका लागि लड्ेका क्रान्तिकारी शक्तिहरु सडकमा रहुनपरको जनाएका छन् ।
भट्राईले देशभक्तहरुलाई भिलियन बनाएर दलालहरुलाई हिरो बनाइएको पनि टिप्पणी गरेका छन् ।
आधुनिक नेपाल राज्यको निर्माणपछि सबभन्दा ठूलो परिघटना जनयुद्ध/जनआन्दोलन/मधेसविद्रोहको बलमा संविधानसभाबाट संघीय लोकतान्त्रिक गणतन्त्र संस्थागत हुनुनै हो।तर विडम्बना:प्रतिक्रान्तिकारीहरू सत्तामा; क्रान्तिकारीहरू सडकमा! दलालहरू हिरो;देशभक्तहरू भिलियन!
सावधान:अर्को पुस्ता लड्न नपरोस्!— Baburam Bhattarai (@brb1954) June 14, 2021
प्रतिक्रिया