काठमाडौं । विपक्षी गठबन्धनका शीर्ष नेताहरुबीच छलफल भएको छ ।
एमाले वरिष्ठ नेता माधवकुमार नेपालको निवासमा शीर्ष नेताहरूबीच भेट भएको हो ।
छलफलका लागि कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्ड नेपाल निवास पुगेका छन् । पहिला देउवा र त्यसपछि प्रचण्ड पुगेको नेता नेपालको सचिवालयले जनाएको छ ।
शीर्ष नेताहरूबीच पछिल्लो राजनीतिक अवस्था, सर्वोच्च अदालतले एमालेबारे गरेको अन्तरिम आदेश र त्यसपछि उत्पन्न हुनसक्ने परिस्थिति लगायतका विषयमा छलफल भएको बताइएको छ ।
नेताहरूबीच पूर्वप्रधानमन्त्रीको तर्फबाट जारी गरिएको प्रेस विज्ञप्तिपछिको प्रतिक्रिया बारेमा पनि छलफल भएको बताइएको छ ।
यसअघि विपक्षी दलका नेताहरूबीच देउवा निवास बुढानिलकण्ठमा छलफल हुने गरेको थियो ।
प्रतिक्रिया