बुटवल । बिगत ३ दिनदेखि अवरुद्ध रहेको पूर्वपश्चिम राजमार्गको बुटवल देवदह खण्ड आज रातीबाट सुचारु भएको छ । अविरल वर्षाका कारण बुटवल नारायणगढ सडक अन्तर्गत चरङ्गे नजिकै डाईभर्सन बगाउँदा ३ दिन देखि राजमार्ग अवरुद्ध रहेको थियो ।
सडक डिभिजन कार्यालय बुटवलको लगातार २ दिनको प्रयासमा राजमार्ग आज राती ९ बजेबाट सुचारु भएको लुम्बिनी प्रदेश ट्रापिक प्रहरी कार्यालय बुटवलले जनाएको छ । राजमार्ग अवरुद्ध भएपछि पूर्वपश्चिम राजमार्ग भएर गन्तब्य तय गरेका मालबाहक सवारी साधन तथा निजी सवारी साधनहरुले बैकल्पिक मार्ग प्रयोग गर्न बाध्य भएका थिए ।
आज अपरान्हबाट सिद्धार्थ राजमार्गको बुटवल पाल्पा सडकपनि एकतर्फी सुचारु भएको छ । बुटवल पोखरा र गुल्मी पाल्पाका लागि छुटेर ३ दिन देखि सडकमा अलपत्र परेका सवारी साधनहरु आज साँझबाट गन्तब्य प्रस्थान गरेका छन् ।
प्रतिक्रिया