पार्टीको वैधानिकता दावी गर्दै जसपाको उपेन्द्र पक्ष निर्वाचन आयोगमा

काठमाडौं । जनता समाजवादी पार्टी (जसपा) का अध्यक्ष उपेन्द्र यादव सहितका नेताहरु पार्टीको वैधानिकता दावी गर्दै निर्वाचन आयोग पुगेका छन् । निर्वाचन आयोगमा दर्ता भएको पार्टीको कार्यकारिणी समितिको बहुमत संख्या आफुहरुसँग रहेको दाबी गर्दै आधिकारीकता र बैधानिकताको माग गर्न नेताहरु आयोग पुगेका हुन् ।

जसपाको यादव पक्षको बिहीबार बसेको कार्यकारिणी समितिको बैठकले वैधानिकता दावी गर्ने निर्णय गरेको थियो । यसअघि १७ जेठमा अर्का अध्यक्ष महन्थ ठाकुर सहित चार जनालाई पार्टीबाट निष्कासन गर्ने निर्णय आयोगमा बुझाइए पनि सो कारवाहीलाई आयोगले अस्विकार गरेपछि यादव पक्षले पुनः बैधानिकाताको दाबी प्रस्तुत गर्न आयोग जाने निर्णय गरेको थियो ।

यादवले ठाकुरलाई कारवाही गरेकै दिन ठाकुरले पनि यादवलाई निष्कासनको पत्र बुझाएका थिए ।आयोगले ३० जेठमा दुवै समूहको मागदावी अनुसार दल दर्ता किताब अद्यावधिक नगरिदिएपछि आयोगको निष्पक्ष्तामा समेत यादव पक्षले प्रश्न उठाएको थियो ।

यादव पक्षले राजनीतिक दल सम्बन्धी ऐन–२०७३ को दफा ४३ अनुसार दलको वैधानिकता दावी गर्दै फेरि आज फेरि आयोग गएका हुन् ।