काठमाडौं । नेकपा (माओवादी केन्द्र) का नेताहरु स्थानीय तहमा आफ्नो पार्टी छोडेकाहरूलाई दल त्याग गरेको सूचना प्रकाशित गर्न माग गर्दै निर्वाचन आयोग पुगेका छन् । माओवादी केन्द्रका नेता लीलामणि पोखरेल, दिनानाथ शर्मा लगायतको टोली निर्वाचन आयोग पुगेर पार्टी परित्याग गरेका र पार्टीले कारवाही गरेकाहरुको पद खारेजीको सुचना प्रकाशित गर्न आयोग पदाधिकारीसँग माग गरेका छन् ।
स्थानीय तहमा पार्टी छोडेर अन्यत्र गएकाहरुलाई पार्टीले कारवाही गरेको र कारवाही गरेको पत्र पार्टीले आयोगमा बुझाए पनि आयोगले दल त्याग गरेको सुचना प्रकाशित नगरेपछि नेताहरु आयोग पुगेका हुन् ।
आयोगले सुचना जारी नगरेसम्म पद खाली प्रावधान रहेकाले माओवादीका निस्काशित भएका स्थााियतहका पदाधिकारीहरु पदमै बसेर काम गरिरहेका छन् । माओवादी केन्द्रबाट स्थानीय निर्वाचन जितेका मेयर उपमेयर र वडाध्यक्ष गरी १७,१८ जना रहेको माओवादी नेता लिलामाणी पोखरेलले बताए ।
माओवादी केन्द्रका नेताहरूसँगको कुराकानीमा आयोगका पदाधिकारीहरुले आयोगको निर्वाचन नियमावलीमा केन्द्रीय समितिले निर्णय गर्नुपर्ने भनिएको बताएको आयोग पुगेका पोखरेलले बताए । नेताहरुले माओवादीको कन्द्रीय समितिले अध्यक्ष प्रचण्डलाई कारवाहीको अधिकार प्रत्यायोजन गरेकाले अध्यक्षबाट भएको कारवाही आधिकारीक हुने आयोगबा पदाधिकारीहरुलाई बताएका थिए । उनीहरुले कन्द्रले अधिकार दिए बमोजिम अध्यक्ष प्रचण्डबाट भएकाले सोही कारवाहीलाई आधिकारीकता मान्न् आयोगलाई आग्रह गरेका थिए ।
प्रतिक्रिया