दलित भएकै कारण कोठा भाडामा दिन नमान्ने घरबेटी पक्राउ

काठमाडौं । दलित भएको कारण कोठा भाडामा नदिएको अभियोगमा काठमाडौमा एकजना घरबेटीलाई प्रहरीले पक्राउ गरेको छ ।

सञ्चारकर्मीसमेत रहेकी रुपा सुनारलाई सुरुमा कोठा भाडामा दिन तयार भएर उनी दलित भएको थाहा पाएपछि कोठा नदिएको आरोपमा प्रहरीले बबरमहलकी सरस्वती प्रधानलाई पक्राउ गरेको हो ।

सुरुमा कोठा दिन मन्जुरी भएपनि पछि दलित भएकै कारण कोठा दिन ईन्कार गरेको भन्दै रुपाले जाहेरी दिएपछि अनुसन्धानका लागि प्रधानलाई पक्राउ गरिएको प्रहरीले जनाएको छ ।

कोठा खोज्ने क्रममा जातीय विभेद गरी कोठा नदिएको भन्दै रुपाले घरबेटीविरुद्ध महानगरीय प्रहरी वृत्त सिंहदरबारमा जाहेरी दिएकी थिइन् ।