पाकिस्तानी दूतावासद्वारा विरेन्द्र सैनिक अस्पताललाई स्वास्थ्य सामाग्री सहयोग

काठमाडौं । मित्र राष्ट्र पाकिस्तानले नेपाली सेनालाई स्वास्थ्य सामाग्री सहयोग गरेको छ ।

कोरोना भाइरसको महामारी नियन्त्रणका लागि नेपाली सेनाको विरेन्द्र सैनिक अस्पताललाई पाकिस्तानी दूतावासका तर्फबाट डिफेन्स अट्याचीले स्वास्थ्य सामाग्री सहयोग हस्तान्तरण गरेका छन् ।

छाउनीस्थित अस्पतालतका लागि चाहिने अत्यावश्यक स्वास्थ्य सामाग्री सहयोग गरेको दूतावासद्वारा जारी विज्ञप्तिमा जनाइएको छ ।

दूतावासले नेपालमा महामारी नियन्त्रणका लागि सहायता सामाग्री सहयोग गर्दै आएको छ । महामारीबाट प्रभावित भएका नागरिकलाई केही दिनअघि पाकिस्तानी दूतावासले राहत सामाग्री समेत उपलब्ध गराएको थियो ।

दूतावासले महामारी नियन्त्रणका लागि नेपालले चालेका हरेक कदमलाई साथ दिँदै हरसम्भव सहयाता गर्ने प्रतिवद्धता पनि जनाएको छ ।