ललितपुर महानगरले बुधबार ७७ वर्ष माथिका जेष्ठ नागरिकलाई कोभिसिल्ड खोप लगाउने

काठमाडौं । ललितपुर महानगरपालिकाले ७७ वर्षमाथिका नागरिकलाई भोलि कोरोनाविरूद्ध खोप लगाउने भएको छ।

ललितपुर महानगरपालिकाले मंगलरबार सूचना जारी गर्दै भोलिदेखि ७७ वर्ष उमेर माथिका जेष्ठ नागरिकलाई भारतीय कोभिसिल्ड खोप लगाउने कार्यक्रम सार्वजनिक गरेको हो ।
बुधबार बिहान १० बजेदेखि अपरान्ह ४ बजेसम्म दुई हजार दुई सय २० जनालाई खोप लगाउने कार्यक्रम रहेको छ ।

वडा कार्यालयबाट सिफारिस गरिएका व्यक्तिहरूले महानगरपालिकाले तोकेको आठवटा खोप केन्द्रबाट खोप लगाउन पाउने छन्।