नेपालगन्ज । बाँकेमा जारी निषेधाज्ञालाई खुकुलो बनाउँदै थप एक हप्ता निषेधाज्ञाको अवधि थपिएको छ । बैशाख ८ गतेबो नेपालगन्ज र बैशाख १३ गतेदेखि बाँकेभरी लागू गरीएको लकडाउनको समय पुनः एक हप्ता थप गरि बैशाख २१ सम्म पुर्याइएको छ ।
बाँकेका प्रमुख जिल्ला अधिकारी शिवराम गेलालले जारी गरेको निषेधाज्ञा आदेशमा अन्य सबै मापदण्डहरु यथास्थितीमा राखी जिल्लाभित्र संचालित सार्वजनिक यातायातका सवारीसाधनमा जोर–विजोर प्रणाली लागू गरिएको छ ।
निषेधाज्ञाका सबै आदेशहरु पुरानै कायम रहने गरि सार्वजानिक यातायातमा जोर गते जोर नम्बर र बिजोर गते बिजोर नम्बरका सवारी साधन सञ्चालन गर्न पाउने गरि निषेधाज्ञा थप भएको बाँकेका प्रमुख जिल्ला अधिकारी गेलालले बताए ।
प्रशासनबाट जारी आदेशमा कोरोना संक्रमणको दर केही घटेपनि पूर्णरुपमा नियन्त्रण भईनसकेका कारण निषेधाज्ञाको अवधि थप गर्नु परेको उल्लेख गरिएको छ ।
प्रतिक्रिया