काठमाडौं । संवैधानिक इजलासमा बुधवार पनि सरकारी वकिलहरुले बहस गर्ने समय अव ५५ मिनेट मात्र बाँकी छ ।
इजलासमा जारी बहसमा आज सरकारी वकिलहरुले ५५ मिनेट बहस गरेपछि प्रधानमन्त्रीका कानुन व्यवसायीको बहस शुरु गर्नेछन् । संवैधानिक इजलासका संयोजक प्रधानन्यायाधिस चालेन्द्रशम्शेर जबराले प्रधानमन्त्रीका कानुन व्यवसायीका लागी बहस गर्न ७ घण्टा समय छुट्याएका छन् ।
पूर्व निर्धारत समयमा बाँकी रहेको ५५ मिनेट भित्र महान्यायाधिवक्ता कार्यालयका सहन्यायाधिवक्ताहरु गोपाल प्रसाद रिजाल, संजिवराज रेग्मी, लोकराज पराजुली, खेमराज ज्ञवाली, उद्धव प्रसाद पुडासैनी र उप न्यायाधिवक्ता दशरथ पंगेनीले बहस गरेपछि आज प्रधानमन्त्रीका तर्फबाट वकालतानामा टिपाएका वकीलहरुको बहस शुरु हुने छ ।
आज प्रधानमन्त्री केपी शर्मा ओलीका तर्फबाट बरिष्ठ अधिवक्ता सुशील पन्तले बहस शुरु गर्ने बताइएको छ । पन्तपछि पूर्व महान्यायाधिवक्ता अग्नि खरेल र बरिष्ठ अधिवक्ता डा. सुरेन्द्र भण्डारीले बहस गर्नेछन् ।
प्रतिक्रिया