काठमाडौं । एमालेको संस्थापन पक्षले २०७५ जेठ २ गतेको संरचना भन्दै डाकेको शुक्रबारको बैठकमा नेकपा एमालेको नेपाल पक्ष नजाने भएको छ । नेपालपक्षको आज बसेको कमिटी बैठकले यथास्थितिमा बालुवाटार नजाने निर्णय गरेको हो । बिहीबार बसेको स्थायी कमिटी बैठकमा बैठकमा सहभागी नहुने बिषयमा सर्वसम्मत निर्णय भएको बैठकमा सहभागी एक नेताले बताए । बैठकले पार्टी एकताका लागि आह्वान समेत गरेको छ ।
ती नेताका अनुसार ओलीले बोलाएको बैठकमा नजाने विषयमा स्थायी कमिटीका सबै नेता एकमत देखिएका थिए । एकताको पक्षमा विशेष लचकता देखाउँदै आएका नेता योगेश भट्टराईले समेत यथास्थितिमा बालुवाटार जान नसक्ने मत ब्यक्त गरेको ती नेताले बताए ।
नेपाल पक्षले पार्टी एकताका लागि प्याकेजमा सहमती हुनु पर्ने र निशर्त २०७५ जेठ २ गतेको संरचनामा बैठक बस्नुपर्ने अडान लिँदै आएको छ ।
प्रतिक्रिया