दाङ । दाङ प्रहरीले जिल्लाका बिभिन्न स्थानबाट चोरी भएका १३ वटा मोटर साईकल सहित चोरी कार्यमा संलग्न गिरोहलाई पक्राउ गर्न सफल भएको छ । प्रहरीले मोटरसाईकल चोर्ने गिरोहमा संलग्न एक जना भारतिय नागरिक सहित ८ जनालाई पक्राउ गरेको छ ।
जिल्ला प्रहरी कार्यालय दाङमा पक्राउ परेको चोरहरुको गिरोहलाई सार्वजानिक गर्दै दाङ प्रहरी प्रमुख प्रहरी उपरिक्षक सुरेश काफ्लेले आफूले बोल्ने भन्दा पनि काम गरेर देखाउने कुरामा बिश्वास गर्ने गरेको बताए । उनले आफु जिल्लामा आउनासाथ मोटरसाइकिल चोरी भएर नागरिक पिडित भएको गुनासो सुनेपछि यो कुरालाइ गम्भिरतापुर्बक लिइ अनुसन्धानमा जुट्न निर्देशन दिएको बताए । उनले प्रहरीलाई मिलेको यो सफललाले नागरिकमा प्रहरी प्रति अझै बिश्वासको वातावरण सिर्जना गरेको बताए ।
जिल्ला प्रहरी कार्यालय दाङबाट सहायक प्रहरी नायव निरिक्षक युबराज गौतमको कमाण्डमा खटिएको प्रहरी टोलिले चोरीको मोटरसाइकल सहित गिरोहलाई समात्न सफल भएको हो ।
प्रहरीका अनुसार चोरीको मोटरसाइकिलको गिरोहमा ग्यारेजमा काम गर्ने प्राविधिक कर्मचारीको पनि संलग्नता रहेको अनुसन्धानकोक्रममा खुलेको छ । चोरीका मोटरसाइकिलमा गिरोहले ५० हजार लगानी गरेर १ लाखदेखि २ लाख सम्म बिक्री गर्ने गरेको खुलेको प्रहरीले जनाएको छ।
जिल्ला प्रहरी कार्यालय दाङका प्रबक्ता डिएसपि मुकुन्द रिजालले घटनाको थप अनुसन्धान भइरहेको बताए ।
प्रतिक्रिया