भन्सार छलेर नेपाल पैठारी हुँदै गरेको ८ लाख बढीको सामान प्रहरीबाट बरामद

नेपालगन्ज । भन्सार छलेर नेपाल पैठारी हुँदै गरेको ठुलो परिमाणको व्यवसायीक सामाग्री बाँके प्रहरीले बरामद गरेको छ । बाँके प्रहरीले शनिबार नेपालगन्जमा पत्रकार सम्मेलन गर्दै भन्सार छलि अबैध रुपमा नेपाल भित्राईएका करीब ८ लाख मुल्य बराबरका सामग्री बरामद भएको जनाएको हो ।

बिना भन्सार नेपाल पैठारी गरिएको कपडाहरु नेपालगन्ज उपमहानगरपालिका ७ एम.पि. स्कुल नजिकबाट प्रहरीले बरामद गरेको हो । सो स्थानमा नेपालगन्ज उपमहानगरपालिका वडा नं. १५ जमुनाह बस्ने ३२ वर्षिय मोनु कवडियाले कोठा भाडामा लिएर अबैध सामग्री राखेको सुचनाका आधारमा प्रहरीले छापा मारी सामग्री बरामद गरेको बाँके प्रहरी प्रवक्ता प्रहरी नायव उपरिक्षक मधुसुदन न्यौपानेले जानकारी दिए। प्रहरीका अनुसार कवडियाको कोठा खानतलासी गर्दा भारतबाट अबैध रुपमा भन्सार छली भित्राईएका मोटरसाईकल तथा गाडीका पाटपुर्जा, कपडा, छाता लगायत अन्दाजि ८ लाख मुल्य बराबरको सामान भेटिएको थियो ।

प्रहरीले बरामद गरीएको सामग्री आवश्यक कारवाहीको लागी भन्सार कार्यालय नेपालगंजमा पठाईएको जनाएको छ ।