काठमाडौं । नेकपा माओवादीका अध्यक्ष पुष्पकमल दाहाल प्रचण्ड र नेकपा एमालेका वरिष्ठ नेता माधवकुमार नेपालबीच भेट भएको छ ।
नेता नेपाललाई भेट्न प्रचण्ड जनकपुरबाट फर्केलगत्तै कोटेश्वर पुगेका थिए ।
एमालेभित्रको विवाद समाधानका लागि दोस्रोतहका नेताहरुको पहलमा पुनः सक्रिय भएको कार्यदलको बैठक बासिरहेकै बेला प्रचण्डले नेपाललाई भेट गरेका छन् ।
यतिबेला एमाले विवाद उत्कर्षमा पुगेको छ । सर्वोच्च अदालतमा आफु विरुद्ध मुद्दा हाल्न हस्ताक्षर गरेको भन्दै आगो भएका अध्यक्ष केपी शर्मा ओलीले नेपालसहितका केही नेताहरुलाई पार्टीमा स्थान दिन नहुने अडानमा रहेका छन् । तर, ओली पक्षकै दोस्रो पुस्ताका कैयौं नेताहरुले भने पार्टी एकता वचाइराख्नुपर्ने बताउँदै नेपालसँग सहमति खोज्नुपर्ने दबाब ओलीलाई दिँदै आएका छन् ।
नेपाल पक्षमा पनि ओलीसँग एकतै गर्न हुँदैन भन्ने कट्टरपन्थी लाईनकै बीचमा एकता जोगाउनुनपर्ने दोस्रो तहका नेताहरुको जोड रहेको छ ।
सोमबारदेखि सक्रिय भएको कार्यदलको बैठक आज पनि सिंहदरबारमा बसेको छ ।
पार्टी एउटै भएपनि नेता नेपाल प्रधानमन्त्री केपी ओली विरुद्धको विपक्षी गठबन्धनमा सामेल छन् ।
प्रतिक्रिया